Улсын хэмжээнд 2026 онд 369.7 мянган га-д үр тариа, үүнээс 317.9 мянган га-д улаанбуудай, 12.8 мянган га-д төмс, 13.4 мянган га-д хүнсний ногоо, 94.1 мянган га-д малын тэжээл, 90.4 мянган га-д тосны ургамал нийтдээ 580.4 мянган га талбайд тариалалт хийгдсэн.
Ургацын урьдчилсан балансаар 555.3 мянган тонн үр тариа, үүнээс 497.1 мянган тонн улаанбуудай мөн 168.2 мянган тонн төмс, 218.4 мянган тонн хүнсний ногоо, 50.4 мянган тонн тосны ургамал, 201.8 мянган тонн малын тэжээлийн ургамал тус тус хураан авах төлөв гарсан.
Ургац хураалт 2026 оны 10 дугаар сарын 19-ний өдрийн байдлаар 303.2 мянган га-талбайгаас 509.2 мянган тонн үр тариа, 12.8 мянган га-гаас 169.1 мянган тонн төмс, 11.9 мянган га-гаас 177.6 мянган тонн хүнсний ногоо, малын тэжээл 67.7 мянган га-аас 189.0 мянган тонн, тосны ургамал 47.5 мянган га-аас 30.8 мянган тонн ургац тус тус хураан аваад байна.
| УРГАЦ ХУРААЛТЫН МЭДЭЭ | ||||||
| д/д | Таримлын төрөл | Хураах талбай | Хураасан | Хувь | Нэгжийн ургац (цн) | Нийт ургац |
| (га) | талбай (га) | (тн) | ||||
| 1 | Үр тариа | 368,696 | 304,130 | 82.2 | 16.8 | 509,258 |
| Үүнээс Улаанбуудай | 316,942 | 269,839 | 85.1 | 17.2 | 464,123 | |
| 2 | Төмс | 12,813 | 12,813 | 100 | 132.0 | 169,132 |
| 3 | Хүнсний ногоо | 13,458 | 11,937 | 88.7 | 148.8 | 177,623 |
| 4 | Тэжээл | 94,547 | 67,718 | 71.6 | 27.9 | 188,933 |
| 5 | Тосны ургамал | 90,375 | 47,532 | 52.6 | 6.5 | 30,896 |
Газар тариалангийн бүс нутгуудаар 10 дугаар сарын 15-16 өдрүүдэд орсон хур тунадас болон нойтон цасны улмаас үр тарианы 64.0 мянган га, малын тэжээл 27.0 мянган га, тосны ургамал 43.0 мянган га талбайн хураалтын ажил түр зогсоод байна. Аймаг, сумуудад ургац хураалтын тооцоо нийлүүлэх ажил хийгдэж байгаа бөгөөд ургац хураалтын урьдчилсан дүн 10 дугаар сарын 30-ны өдөр гарна.
1. Хүнсний улаанбуудайн нөөц бүрдүүлэлт
Намрын ургацаас “Хөдөө аж ахуйн корпораци” ТӨХХК-ийн 7 салбар агуулахад 427 тариаланч иргэн, аж ахуйн нэгжээс нийт 106.0 тонн стандартын шаардлага хангасан хүнсний улаанбуудайг хөдөө аж ахуйн биржийн арилжаагаар олон нийтэд ил тод, нээлттэй зохион байгуулж нөөц бүрдүүлээд байна.
Хүнсний улаанбуудайн нөөц бүрдүүлэлтийн мэдээ
| № | Салбар | Хүнсний улаанбуудайн чанарын ангилал | Нийт | |||
| I | II | III | IV | |||
| 1 | Сэлэнгэ | 903.42 | 2,452.19 | 6,649.76 | 23,363.93 | 33,369.30 |
| 2 | Хөтөл | 1,630.08 | 3,665.09 | 7,127.94 | 10,602.06 | 23,025.17 |
| 3 | Булган | 3,951.22 | 2,774.45 | 7,439.20 | 6,076.00 | 20,240.87 |
| 4 | Угтаал | 5,544.95 | 3,390.72 | 1,791.06 | 2,972.40 | 13,699.13 |
| 5 | Хархорин | 2,899.18 | 564.55 | 1,590.31 | 735.58 | 5,789.62 |
| 6 | Дархан | 127.09 | 898.69 | 3,522.58 | 2,314.34 | 6,862.70 |
| 7 | Хэнтий | 107.07 | 162.14 | 409.93 | 2,339.03 | 3,018.17 |
| Нийт хэмжээ | 15,163.01 | 13,907.83 | 28,530.78 | 48,403.34 | 106,004.96 | |
Мөн намрын ургацын улаанбуудайн борлуулалт, хадгалалтыг дэмжих зорилгоор “Хөдөө аж ахуйн корпораци” ТӨХХК-ийн эзэмшил бүхий элеваториас гурилын үйлдвэрүүдэд 4 байршилд 23.0 мянган тонн, тариаланч иргэн, аж ахуйн нэгжүүдэд 4.5 мянган тонн элеваторийг тус тус түрээсээр ашиглуулж байна.
2. Төмс, хүнсний ногооны нөөц бүрдүүлэлт
Засгийн газраас хүн амын өргөн хэрэглээний хүнсний бүтээгдэхүүн болох төмс, хүнсний ногооны хангамж, нийлүүлэлтийн тогтвортой байдлыг хангаж, улирлын чанартай хомсдол, үнийн огцом хэлбэлзлээс урьдчилан сэргийлэх, тогтворжуулах зорилгоор 4 төрлийн хүнсний ногооны нөөц бүрдүүлэх ажлыг “Хөдөө аж ахуйн корпораци” ТӨХХК хариуцан ажиллаж байна.
Нөөцөд авах төмс хүнсний ногоо нь газар тариалангийн нэгдсэн системд бүртгэлтэй, гарал үүсэл нь тодорхой, Монгол орны хөрсөнд тарьж ургуулсан төмс, хүнсний ногоог тариаланчдын гар дээрээс худалдан авах ажлыг хөдөө аж ахуйн биржийн арилжаагаар олон нийтэд ил тод, нээлттэй зохион байгуулан ажиллаж байна.
Улаанбаатар хотод 3 аж ахуйн нэгжийн 4,500 тонн, орон нутагт 2 аж ахуйн нэгжийн 7,500 тонн, нийт 12,000 тонн багтаамжтай, стандартын шаардлага хангасан, хөргүүр бүхий автомат системтэй агуулахуудад төмс, хүнсний ногооны нөөц бүрдүүлэх ажлыг эхлүүлээд байна.
