ХҮН намын ээлжит VIII Их хурал болж, намын дарга Т.Доржхандын бүрэн эрхийн хугацааг дөрвөн жилээр сунгах шийдвэрийг гаргалаа. Уг саналыг их хуралд оролцсон нийт гишүүдийн 91.3 хувь нь дэмжсэн байна.
Тус их хурлаар намын үндсэн дүрмийн шинэчилсэн найруулгыг хэлэлцэн батлах, намын удирдлагын бүрэн эрхийн хугацааг сунгах эсэх, мөн Хариуцлагын ерөнхий хорооны дарга, гишүүдийг сонгох зэрэг чухал асуудлуудыг хэлэлцжээ.
Энэ удаагийн VIII Их хуралд 21 аймаг, 9 дүүргээс нийт 500 төлөөлөгч оролцсон байна.
