Нийслэлийн Эрүүл мэндийн газрын Эрүүл ахуй, халдвар хамгааллын хяналтын улсын байцаагчид Нидерланд улсад үйлдвэрлэж, Казакстан улсаас импортолсон Нистлэ группийн “Нан” нэртэй хүүхдийн сүүн тэжээлийг болзошгүй эрсдэлээс урьдчилан сэргийлэх зорилгоор зах зээлээс буцаан татан авав.
400 болон 800 граммаар савлагдсан, 12 төрлийн цуврал дугаартай нийт 14,066 ширхэг, 808.5 сая төгрөгийн үнэ бүхий бүтээгдэхүүнийг хүнсний худалдааны сүлжээнээс татан авсан байна.
Мөн Монгол Улсад мөрдөж буй Хүнсний бүтээгдэхүүний аюулгүй байдлыг хангах тухай хуулийн дагуу тухайн байгууллагын бүтээгдэхүүн устгах дотоод үйл ажиллагаанд хөндлөнгийн хяналт тавин ажиллажээ.
