Ерөнхий сайд Эрчим хүчний сайд Б.Чойжилсүрэнд 100 хоногт эрчим хүчний асуудлыг цэгцлэх үүрэг өгчээ. Тэрбээр энэ хугацаанд өргөс авсан мэт засч сайжруулах боломжгүй гэдгийг тодотгоод тэрбээр “ 100 хоногт үүссэн асуудлыг цэгцэлж дийлэх юм уу гэдгийг шударга хүлээн зөвшөөрөх хэрэгтэй. Бүрэн шийдэхэд төвөгтэй. Би өөрийгөө магтахыг урьтал болгосонгүй. Сүүлийн өдрүүдэд зохион байгуулалттай гүтгэлэг, дайралтууд явж байгаа. Шүүмжлэлийг хүлээж авах ч доромжлолыг хүлээж авахгүй. Шүүмжлэх хувь тавилантайгаа улстөрчид эвлэрэх ёстой. Би ажлаа өгөх ёстой бол өгнө. Сайдын суудалд зууралдаад байх сонирхол алга. Шулуухан хэлэхэд, энэ албан тушаалыг авсан шигээ өгч чадна” гэлээ.
