Боловсрол, шинжлэх ухааны яам болон Боловсролын ерөнхий газар 2026 оны төсөв, цалин тооцоололтой холбоотой шинэ чиглэлүүдийг боловсролын байгууллагуудад мэдэгдсэн талаар багш нарын төлөөлөл мэдээллээ.
Уг мэдэгдэлд "Эдийн засгийн нөхцөл байдал одоогоор сайжрах төлөвгүй байгаа бөгөөд бодит өөрчлөлт 2026 оны эхний хагас жилээс л ажиглагдахаар байна. Үүний улмаас боловсролын байгууллагын багш, ажилчдын цалинг 50 хувиар нэмэгдүүлсэн хэдий ч төсөв хэтэрхий хүрэлцэхгүй байгаа тул 2025 оны төсвийн хэмнэлтийн бодлого үргэлжилсээр байна" гэжээ.
Шинэ чиглэлээр цалингийн зарим бүрэлдэхүүн хэсгийг түр хугацаагаар олгохгүй байхаар болжээ. Үүнд:
•Ур чадварын нэмэгдэл: Шалгуур үзүүлэлтийн журам шинэчлэн батлагдах хүртэл түр зогсооно.
• Унаа, хоолны нөхөх төлбөр: Бүтэн хэмжээгээр олгохгүй, тодорхойгүй хугацаанд царцаана.
ЗАН-гийн нэмэгдэл: Хуульд заагаагүй нэмэгдлийг олгохыг хориглоно.
• ХАБ, бүтэц, орон тоо: Баталгаажаагүй болон шаардлагагүй хавсрангийн нэмэгдлийг түдгэлзүүлнэ.
• Дундаж цалин тооцоолол: Үндсэн цалинг дээр зөвхөн нэмэгдэл хөлсийг тооцож, илүү цаг, урамшуулал, тогтмол бус нэмэгдлийг оруулахгүй.
Эдгээр шийдвэрүүд албан ёсоор батлагдсан тохиолдолд дахин мэдээлэл хүргүүлэхээр болжээ. Одоогоор сургуулиудыг урьдчилсан байдлаар цалингийн тооцоогоо шинэ чиглэлийн дагуу бэлтгэхийг зөвлөж байна гэсэн байна.
