Ажилгүйдлийн тэтгэмж авах хугацааг сайн дураараа ажлаа өгсөн иргэдэд 55 хоног болгон бууруулжээ

Нийгмийн даатгалын ерөнхий хуульд орсон нэмэлт, өөрчлөлтийн хүрээнд ажилгүйдлийн даатгалын тэтгэмж олгох хугацааг зарим тохиолдолд богиносгожээ.
Тодруулбал, ажилтан өөрийн хүсэлтээр ажлаасаа гарсан тохиолдолд ажилгүйдлийн даатгалын тэтгэмжийг 55 хоногийн хугацаанд олгохоор болсон байна. Өмнө нь уг тэтгэмжийг 76 өдрийн хугацаагаар олгодог байсан юм.
Харин байгууллагын бүтэц, орон тооны цомхотгол, ажил олгогчийн санаачилгаар ажлаас чөлөөлөгдсөн зэрэг ажилтнаас үл хамаарах шалтгаанаар ажилгүй болсон иргэдийн хувьд ажилгүйдлийн даатгалын тэтгэмжийг хуучин журмын дагуу 76 ажлын өдрөөр тооцож олгох зохицуулалт хэвээр үлджээ.
Ингэснээр ажилгүйдлийн тэтгэмж олгох хугацаа нь ажилгүй болсон шалтгаанаас хамаарч ялгаатай хэрэгжихээр болж байн