МАН-ын Бага хурлын III хуралдаан өнөөдөр /2026.03.29/ болж байна. Хуралдаанаар Монгол Улсын Ерөнхий сайдад нэр дэвшүүлэх асуудлыг хэлэлцэхээр товлосон.
Мөн намын дотоод асуудал болон шинээр байгуулагдах Засгийн газар АН-тай хамтрах эсэхийг Бага хурлаараа шийднэ.
Хурлын үеэр ахмад улстөрч Ц.Нямдорж үг хэлж, намын эв нэгдлийг чухалчлан онцоллоо. Тэрбээр “Намаа аваръя гэвэл талцал, хуваагдлаа зогсоох ёстой. Өнөөдөр МАН дотор бий болсон зөрчил цаашид даамжирвал намд сөрөг үр дагавар авчирна” хэмээн анхааруулсан байна. Мөн тэрбээр улс төрийн бодит нөхцөл байдлыг харгалзан үзэх хэрэгтэйг дурьдаж, “Хэрэв намын эв нэгдлийг хадгалахыг зорьж байгаа бол цөөнхийн байр суурьт байгаа Д.Амарбаясгалангийн талаас УИХ-ын даргыг томилох нь зөв шийдэл” гэсэн байр суурийг илэрхийлжээ. МАН-ын 68 гишүүн 38:30 аар хуваагдаад байгаа юм.
